Malem ti Huebes Hunio16, 2005 idi sumangpetak iti Kahului Airport babaen ti Hawaiian Airline a nagluganak. Kas iti sigud nga ar-aramidek, ni Dominador Basuel a kayongko ti kaasitgan nga awagak.. Isu ti immay nangala kaniak..Iti nagsulian ti Puunene Avenue, saan a ganggannaet ti paskil nga “Adopt-a-Hwy” kaniak ta ngamin, maysaak a volunteer coordinator ti Adopt-a-Hwy iti Honolulu a proyekto ti Oahu Filipino Community Council ken ti St. Paul’s Episcopal and Philippine Independent Church. Awan ni kasinsin a Lety a nasangpetanmi ta adda pay la iti trabahona idiay Wailuku. Norman Borthwick Mortuary Adda dagiti diak nasigudan a mainaganan ken mailasin kadagiti tattao nadanomi. Hunio 17 idi nagpasiarkami kada Lety a kasingedan a kasinsinko iti Binhi at Ani Center. Naammuak kenkuana nga aktiboda met a makitintinnulong itoy proyekto nanipud pay idi idi mairugrugi daytoy. Kasta met laeng ti kinuna ni Cresencio Yagin, aktibo iti komunidad, nagpresidente iti Sinaitenians of Maui. Maysa metten a mannaniw . Kaarubak idiay Tapao a lugarmi. Kabagis ti awagko kenkuana ta maymaysa ti amami ti iti buniag. Isu ti enkargado iti pannakamanetenir iti landscaping ken dagiti pannakataripato dagiti mulmula iti aglawlaw ti pasdek. Napintas ken nalawa. Napankami ti balay da Florencio Ibuos, agdama a presidente ti Sinaitenians of Maui. Awan ni Manang Gloria nga asawana ta nagluas itay a mapan idiay Las Vegas. Napintas ti arabuyanda. Adda dagiti mulana a mangga, saba, alukon, gayubana, ken dadduma nga agbunga. Malagipko ti paraangak idiay Ewa. Periodista ken kosinero Nupay awan ti appointmentmi, napankami iti Mel’s Restaurant iti Wailuku a kaduak dagiti singin a kasinsinko a Lety ken Perlie. Aggaammoda gapu iti adu metten nga aktibidad a pakipartisiparanda kas iti Barrio Fiesta ken dadduma pay a pasken iti Maui..Tinawen nga agpaaramid dagiti singin iti bukanegan. Magustuan kano dagiti agbuybuya ken agdengeg. Inuraymi a rimmuar ni Mel Batangan nga akinkukua. Isu ti para luto. Isu ti publisher ti Fil-Am News. June 18, Sabado –Sakbay ti Aldaw dagiti Amma ket napanak iti estasion ti FPMW 105.5 FM Maui a masarakan iti nagsulian ti S. Wakea Blvd ken Hana Hwy. Kaduak manen da Lety ken Doming.Madama ti programa ni Rey Piros nga akinkukua ti estasion. Kimmablaawak. Sa nagsaritaak maipapan iti maisagsagana a selebrasion ti sentenario dagiti Filipino iti Hawaii. Iti met programa ni Cecille, nagsaritaak ket intuloyko dagiti pakaammo maipapan iti centennial. Diak pay naiwarsi ti buggok idi agtawag ni Cres. Immaynak innala ta agpasiarkami. Sakbay a mapankami agpasiar, dimmagaskami iti yan da Manong Celin a kapiduak. Nadanonmi da Mila, ken dua nga ubbingna, agpada a sangsangpet manipud ilimi. Proyekto Nakariing manen ti Tapao Hawaii Residents Aid Assn a binuangaymi tallo a tawenen ti napalabas. Insingasingko ti pannakaipatakder ti diding ti daramuangan ti Tapao tapno agbalin a parupa iti kalsada nga agpangato-agpalaud. Dati nga adda Tapao Marker sadiay a pinatakderak 30 yearrs back, ngem ti arapaapko ita ti pannakaipasdek ti pader. Maikkan iti Waiting Shed. Dagiti kakabsat iti Kahului, Wailuku, Waileu, nagkaykaysada a nanganamong iti singasingko. Aktiboda iti Maui Filipino Community Council. Da Cres, Pablo Yadao, Efren Boco, Edison Arrocena, magsi abonosdan iti $50. Nakipangaldawkami nga immuna sa nagpasiarkami, ni Cres ti nangipasiar. Dimmagaskami iti taengda. Merienda naidusar. Intuloymi ti nagpasiar. Adu dagiti napintas a hotel, adda Grand Wailea kadakkelan a hotel iti Four Seasons green top, Fairmont Ke Lea puraw. Aloha & Welcome Maui Prince maragatas Black sand masansan kano a mapan agtabukol ni Cres. Hunio 19, Domingo. Nagikargaak ti yawidko iti Honolulu. Saba, ikan, karne ti ugsa, Kapilia, timmiponak iti diskusion iti Bible Sharing, Nasayaat ti panangidalan da Rogelio Yadao, Sr. Andres Malinnag, mannurat iti Bannawag, Alfredo [Juan] Ibus, Da Maestra Norma Yoro Malinnag, Winnie Fulgencio, Rogelio Yadao, Jr, ti mangidadaulo kadagiti ubbing ken agtutubo. Topiko ni Rogelio Jr ti “Patience” Anus. apu ta nairana ti Fathers Day, napadayawan dagiti amma. Nagdaniw da Lety ken Perlie. Nakipangaldawkamin. Naam-ammok ti dua a panglakayen, sakada dagitoy da Appo Felix Yagin, 92, Mariano Salcedo, 80, agpada a naglugan iti SS Maunawili iti 1946 a nagluas idiay Port Salomague, Cabugao. Intulodnak ni Cres iti Airport. Hawaiian manen ti nagluganak Nasken nga addaak iti Honolulu ta adda pasken ti Knights Of Rizal. Alas kuatro ti malem iti sabtennak ni Gloria iti Honolulu International Airport. |
|